مقامات تاجیکستان روز چهارشنبه ۳۰ اگست (هشتم سنبله) گفتند که در اثر بارندگی شدید در این کشور کم از کم ۲۱ نفر جان باخته اند.
باران های شدید در روزهای یکشنبه و دوشنبه باعث جاری شدن سیلاب و لغزش زمین در نواحی دوشنبه، پایتخت تاجیکستان، شده است.
مقامات روز دوشنبه تعداد تلفات را ۱۳ نفر اعلام کرده بودند، اما کمیته مبارزه با حوادث طبیعی تاجیکستان روز چهارشنبه به خبرگزاری فرانس پرس گفت: "تاکنون ۲۱ نفر جان باخته اند."
مقامات مبارزه با حوادث طبیعی قبلاً هشدار داده بود که خطر واقعات بیشتر لغزش زمین وجود دارد.
تاجیکستان، فقیرترین کشور اتحاد جماهیر شوروی سابق در آسیای مرکزی، در برابر آفات طبیعی آسیب پذیر است.
در ماه فبروری، در منطقهٔ کوهستانی گورنو بدخشان در نزدیکی مرز افغانستان ده ها واقعۀ برف کوچ و لغزش زمین رخ داد.