پس از آنکه گزارش‌‌های در مورد گیرماندن شماری از مهاجرین و محصلین افغان در اوکراین نشر شد، سفارت جمهوری اسلامی افغانستان در پراگ، پایتخت جمهوری چک برای کمک با آنان دست به کار شده است.
شهزاد آریوبی، سفیر جمهوری افغانستان در چک از شهروندان افغانستان خواست تا به شماره‌ٔ اپلیکیشن وتس‌اپ یا ایمیل آدرس سفارت به تماس شده و ثبت نام کنند.
آقای آریوبی به صدای امریکا گفت که با وزارت خارجهٔ جمهوری چک و وزارت خارجهٔ جمهوری سلواک در تماس بوده و سفرای افغان در اروپا نیز یک گروپ هماهنگی را به هدف کمک برای بیرون کشیدن شهروندان افغان اوکراین ایجاد کرده اند.
اما او افزود که با آنعده افغان‌ها که در عملیات تخلیهٔ امریکا از کابل به اوکراین انتقال داده شده اند و اسناد قانونی مانند پاسپورت ندارند، تا اکنون صحبت نشده است.
با آنهم آقای آریوبی افزود که این شماری از شهروندان افغان نیز می‌توانند با سفارت افغانستان در چک تماس بگیرند تا با کشورهای که قرار است میزبان آنان باشد تماس حاصل شود و آنان بتوانند از اوکراین بیرون شوند.
شرح کامل مصاحبه با آقای اریوبی را در اینجا بشنوید:
شماری از سفارت خانه‌های جمهوری اسلامی افغانستان، پس از سقوط جمهوریت و روی کار آمدن طالبان هنوز هم زیر پرچم و نام جمهوریت به فعالیت‌های شان ادامه داده اند.
