عبدالله عبدالله، رئیس اجرائیه افغانستان در راس هیات بلند پایه دولتی برای شرکت در چهارمین نشست کشورهای عضو سازمان همکاری منطقوی شانگهای عازم شهر ژانگ ژو، ايالت حينان چین شد .
دفتر ریاست اجرائیه افغانستان به صدای امریکا گفت که قرار است آقای عبدالله عبدالله در نشست عمومی این اجلاس سخنرانی کند.
به همین ترتیب قرار است رئیس اجرائیه در این سفر با مقامات دولتی چین دیدارهای دوجانبه داشته در مورد روابط میان دو کشور و مسایل منطقه یی نیز گفتگو کند.
همچنان قرار است رئیس اجرائیه افغانستان در حاشیه این جلسه با روسای هیات کشورهای روسیه٬ تاجیکستان، قرغیزستان و قزاقستان نیز ملاقات های دوجانبه داشته باشد.
روسیه، چين، ازبکستان، قزاقستان، تاجکستان و قرغيزستان اعضای اصلی سازمان همکاریهای منطقوی شانگهای هستند. افغانستان، هند، ايران، پاکستان، مغولستان و ترکمنستان به حیث ناظر در این سازمان حضور دارند.
سازمان همکاریهای منطقوی شانگهای در سال ۲۰۰۱ میلادی توسط رهبران چین، روسیه، قزاقستان، قرغیزستان، تاجیکستان و ازبکستان ایجاد گردیده است.