معتادی که وسیلهٔ استعمال شیشه را می‌سازد

عبدالاحد یکی از معتادان مواد مخدر می‌گوید که از چندین سال بدینسو با ساخت و فروش وسیلهٔ استعمال شیشه پول خرید مواد مخدر را بدست می‌آورد.

او که در تپه سرای شمال شهر کابل در یک خیمه بسر می‌برد، می‌گوید که باشندهٔ اصلی ولایت غزنی است و از چندین سال بدینسو خانواده‌اش را ندیده است.

عبدالاحد گفت "این پیپ‌ها برای ما دانه ۵ افغانی تمام می‌شود و ‌معتادان برای استعمال شیشه آن‌ها را می‌خرند.‌ روزانه ۵۰ تا ۷۰ پیپ می‌سازم و دانه ۱۰ افغانی می‌فروشم. مصرف خود را از این طریق بدست می‌آورم".

عبدالاحد می‌گوید که در گذشته سرباز پولیس بود. او می‌گوید که بارها تصمیم به ترک اعتیاد گرفته است، اما هیچ‌گاهی قادر به این کار نشده است.