مقام‌های امنیتی ولایت تخار می‌گویند که در یک عملیات هدفمند پولیس مبارزه با مواد مخدر، یک قاچاقبر بازداشت و ۵ کیلوگرام هیرویین بدست پولیس افتاد.
خلیل اسیر، سخنگوی فرماندهی پولیس تخار می‌گوید که این قاچاقبر از مربوطات شهر تالقان بازداشت شده است.
او گفت "موظفین مدیریت مبارزه با مواد مخدر فرماندهی پولیس طی راه اندازی یک عملیات یک تن از قاچاقبران مواد مخدر را با مقدار ۵ کیلوگرام مواد مخدر از مربوطات شهر تالقان مرکز ولایت تخار شناسایی و بازداشت کردند".
پولیس ولایت تخار می‌گوید که پرونده این قاچاقبر بزودی به نهادهای عدلی و قضایی فرستاده می‌شود.