ریاست صحت عامه ولایت نیمروز می‌گوید که نبود بودجهٔ کافی و امکانات صحی شمار زنان معتاد به مواد مخدر را در این ولایت افزایش داده اند.
نصیر احمد هیبت، رییس صحت عامه نیمروز می‌گوید اکثر زنان معتاد که درمان می‌شوند، به دلیل بی‌کاری و عدم پذیرش از سوی خانواده‌ها، دوباره به مخدرات پناه می‌برند.
بربنیاد آمارها، در حال حاضر بیش از سه هزار معتاد مواد مخدر در ولایت نیمروز بسر می‌برند که بخش اعظم آنان از ایران ردمرز شده اند. گفته می‌شود که پانزده درصد مصرف کنندگان مواد مخدر در ولایت نیمروز زنان استند.